Unan a me rekipeieu guellan-karet é hennan. Me ra en tajin-man, ker un tajin é, diù uèh er miz de vihannan! El ma uélet marsen em es ohpennet ur ‘hategori’ neùi, ‘Moro’. Moro é anù ur livr-rekipeieu get Sam&Sam Clark, ha anù ou zi-debein i London eùe. Che aman liamm ou sit : http://www.moro.co.uk.
Pérak er hatogori neùi-man? Er gir ‘Moro’ vé impliet get Sam&Sam eit konz ag er bouid e vé groeit doh er hreisti ag er mour kreiz, etré brou Spagn hag en Turki, lakam. Boaiajet ou des i pep leh ir broieu-sen eit charreh sekredeu-kegein g’en dud, ha groeit ou des ur sort kejaj a geginereh rah er vroieu dishanval-sen. I sauzneg vé groeit ‘Mediterranean fusion cuisine’ ag er hejaj-man, mes me gaù braùoh laret Moro pedegur ima en term-sen liammet get istoer er bed Arab ha brou Spagn in amzir grenn, pe oent unanet rah idan er Mored. In amzir-hont ima bet ijinet er lod muian ag er rekipeieu-klasel ag en tamm-doar-sen eùe.
Chebou!
Er rekipe em es hoant rein doh hiniù ne za KET a livr Moro, el ma don sur hou hues chujet, mes ur version kampennet genein ag ur rekipe get Claudia Roden é, ur voéz arall en des skriùet ur bouchad a-ziar bouid er broieu Arab. Ur rekipe a vrou Marok hag e bluj dein alejein eit me amied…pe eidein-mi me hunan!
Eit deu zein (pe eit debein diù uèh has unan 😉 )
2 gar yar
1 penn-ougnon bras
125 g aprikot seh
1 loéad vihan kanell
1 loead vihan gingeambr
1 load mil
Halen, pibr, ivl olivl, deur tuem
De getan e tiblusket er penn-ougnon, hag e trohet-ean i tammeu bihan. Lakeit en tammeu de rouzein in un tajin pi ur billig vras hoarn, i lan a ivl olif (5 loéiad soubenn lakam). pe vé rouzet un tamm en ougnon, lakeit er hig, pibret ha halenet, ir billig eùe. A pe vou rouzet un tamm, ohpennet deur toem betag ma vou just goloet er hig g’en deur. Pas muioh, pétramant vourtoh gortoz ériadeu irauk debein. Ohpennet er hanell, er gingeambr hag er mil eùe. Pe vou tuem-berù en treu, ohpennet en aprikot.
Berman i worteit betag ma vou dariù er hig ha tiù er saus. En deur e zele mogedein betag ma ne chom ket kal ken anehon, eit bout ur saus lipous, tiù ha dru.
D’er liesan e ran semoul kouskous de zebein asamb g’er plad-man. Er houskous ne zele ket bout ohpennet treu dehon, just ur loéiad ivl olif, halen ha pibr zou trawal eit monet asamb get er friko.
Kalon d’hou pouid!
Bouid! 