Seben aveid er ri cherret peuranti geté

Klanù on, hoah ur uèh. Cherret em es peuranti – en nihour ne raen ket meit krenein g’en aneouid ha striùein. Un tammig guell e ya hiniù, mes eid bout yah-pisk indrou e ran er seben-man. Jinjambr e zou mat a-ineb en aneouid, tuemmder e ra d’er horf. Ha potiron zou lan a vitamineu 🙂

Ur rekipé és é, aveid er ri e gaù guell chomel in ou guléieu….

500 g potiron

deu zornad fer ru

2 santimetr (ardrou) jinjambr fresk, i tammeu bitig

ur granig chili malet, pi ur fréhen chili i tammeu

Ur granig kurkuma

ur hub bouillon, goust legumaj

Trohet er potiron a dammeu ha lakeit-ean ir billig, asambl g’er jinjamrb, fer, kurkuma, chili hag er hub bouillon. Lakeit deur ar en treu (1,5 – 2 litrad) ha lakeit de virùein ipad un hantir ériad. Flastret goudi aveid bout ur sort koéven oranj gloustabl.

Lakeit vermisell ohpenn ma faut doh: mes-mi lakeit vermisell stum liherenneu dehé, farsus! Tiùoh vou er seben en eil di neoah, a gauz d’er fer, nesen diwall!

Kalon d’hou pouid!

….hag er hah me lipou

PS/ er uèh ketan oe dein gobir er seben-man, mes deit é de vout unan a me ri guellan-karet abenn! Dreistoll g’er vermicell…magus ha dous un tammig. Nom nom.

Klanù on… seben yar

Alkent alkent, nag un amzir!! Ha klanù on ohpenn, cherret em es anouid. Fiskal

Sklaer é ima ret gobir ur seben-yar a-feson. Aben . Ker n’es nitra guell eit kas kuit er yeinion hag er mikrobeu fall. Rah en dud e oer, miam er skiantourion. Doh me seblant ne vé ket debet paut a seben-yar er vrou, ha d’é ket pell zou em es kliùet: “Nend é ket fall ha dreu…mechal petra é. Ur sort pot au feu, pas?” Dam pas! Deskamb berman gobir mamm-béron sebenneu er bed, gramb seben-yar!

Chetu er sekred, el ma vé groeit get me mamm..ha genein eùe berman.

2 gar yar, ie tammeu kig-yar arall, get eskern.

pour

karot

restacheu legumaj arall, pétremant legumaj hag e zou marhad-mat er suhun-man.

Pibr ha halen

ivl olivl pas! Eit ur ueh, ur rekipe hemb druoni! N’es nameit er hig e lip en treu.

vermisell

De gentan e walhet er hig edan en deur i red. Lakeit vou er hig eskern, kourhen ha rah ir poud goudi, deskauz. Goudi bet golhet er hig, lakeit-ean ir poud nesen, get trawal a zeur arnehon (betag ma vou lan er pod), halen ha pibr. Tuemmet en deur betag berùein ha lausket ar en tan dous e-pad un ériad de vihannan. Ma lakeit hiroh vou kriùoh goust hou seben.

Goudi e kemiret er hig hag e ‘tiblusket’-ean: hui gemirou rah en tammeu kig e zou mat hag en ou lakeit ir poud indrou (i tammeu bihan), ha hui skarhou en eskern hag er gourhen. Lakeit berman eùe er legumaj, i tammigeu, ha lakeit rah en treu-sen de viruein indrou ar en tan dous e-pad un uigent munut bennak. De zeùéhan e lakeit hoah er vermisell, hag e horteit betag ma vou dous er vermisell hag er legumaj, ha goustabl er seben.

Matte kalonne!!

Seben ag en tei ;)

N’em es ket kal a amzir de dremen ir gegein hiniù: i tihan distroein ir gir on goudi me labour, hag edan un ériad i yein de héli ur gentel nouz eit diskein berton a feson. Mes hoant em es alkent! Hag ohpenn-sen on bet ir marhad hiniù, prenet dein legumaj neùi, hag ima ret dein achiùein er legumaj kouh. Nesen i ran ur podad seben mat!

Piah e zou abarh:

3/4 potiron

2 penn pour

2 karotenn

un dornad fer ru (lentil mar karet)

ur bik bouilhon legumaj

Mi oér i laran liés e vé és me sekredeu, mes hennan zou és-bras, guir é. N’hou es nameit de zibluskein er legumaj, ou zrohein i tammeu, ou lakaat in ur pod get trawal a zeur, er fer ru hag er bik boulhon, ha gortoz betak ma vou dariù er seben. Guell é hoah pe vé lakaat ur granig chilli eùe.  A pe vou dariù i hellet flastrein er seben get ur mekanik-kegein, pe pas. El ma faut doh.

Nitra ésoh pe vé berr hous amzir!